Saturday May 4, 2024
वि.सं
२०८१ बैशाख २२ शनिवार
वि.सं. २०३६ साल मंसिर १२ गते नवलपरासी जिल्ला रामनगर गा.वि.स.–०२, नवलपरासीमा जन्मनुभएको रुकमणी पल्ली बैवाहिक जिवनसँगै हाल सुनवल नगरपालीका वार्ड नं १३ सुन्दरवस्तीमा बसोवास गर्दै आउनु भएको छ । निज सदस्य कृषकहरु मध्येबाट एक उत्कृष्ट कृषकको उदाहरण पेश गर्नु भएको छ । पहिला निजको श्रीमानले आल्मुनियम कम्पनीमा जागीर गर्नु भइरहेको थियो श्रीमानको कमाइले उहाहरुलाई खान बस्न ठिक्क हुन्थ्यो । उहाँहरु लगानी अभावले सो व्यवसाय सञ्चानल गर्न गाहे भइरहेको थियो । त्यसै बखत मुक्तिनाथ बिकस बैक उहाँहरुको घर आँगनमा पुग्यो र २०७३ साल मंसिरमा मुक्तिनाथ बिकास बैकको महिला समुहमा सदस्यता लिनुभयो ।
सदस्य रुकमणी पल्लीले यस मुक्तिनाथ विकास बैकको समुहमा एक उर्जाका साथ लाग्नु भएको थियो । बैकले उहाँलाई विना धितो कर्जा लगानी गर्ने भएकोले सदस्यलाई निकै उर्जा प्राप्त भएको थियो । यस बैकको समुहमा आवद्ध भए पश्चात उहाँले पहिलो पटक मिति २०७३/०९/१८ गते रु.१,००,०००/– कर्जा चलाउनु भएको थियो । उहाँले लिएको कर्जा रकम र आफुसँग भएको रकमले उनले १ वटा गाई किन्नु भयो र गोठ बनाउनु भयो उहाँले गाई पालनबाट राम्रो आम्दानी गर्न लाग्नुभयो । फेरि २०७४/०७/१९ गते दोस्रो पटकमा रु.१,५०,०००/– कर्जा चलाउनु भयो । उक्त कर्जा बाट ३ वटा गाई किन्नु भयो अब गाई पालनको आम्दानीबाट उनको घर खर्च र एक छोरा एक छोरीको स्कुल फि पनी पुग्न थाल्यो । उहाँको श्रीमान्को तलब पुरै बचत हुन थाल्यो । दोस्रो कर्जा राम्रोसँग चलाइ सकेपछि फेरी मिति २०७५/१२/१७ गते मुक्तिनाथ सहुलियत कर्जा अन्तर्गत व्यवसायिक कृषि तथा पशुपन्छी कर्जा शिर्षकमा रु.७,००,०००/– कर्जा लिनुभयोे ।
उहाँ व्यवसायिक कृषिमा लाग्नुभएको करिव ४ वर्ष भयो । हाल निजको गोठमा १७ वटा गाईहरु रहेका छन् । जसबाट व्यवसायको खर्च कटाएर मासिक रु.५५,०००/– जती आम्दानी गर्नु हुन्छ । गाई पालन वाहेक १ वटा उन्नत जातको भैसी, ५५ वटा लोकल कुखुरा र ५ वटा टर्की पनि पाल्दै आउनु भएको छ । त्यही आम्दानीबाट घर खर्च र बैंकको किस्ता तिर्न पुगीरहेको बताउनु हुन्छ । हाल सम्मको कमाईबाट छोरीलाई नर्स पढाई रहनु भएको छ । साथै समुहमा बस्नु भएका अन्य दिदिबहिनीहरुको लागि उहाँ एउटा प्रेरणाको स्रोत बन्नु भएको छ । मुक्तिनाथ बिकास बैंक लघुवित्त कार्यक्रम अन्तरगत महिला समुहमा आबद्ध भई विगत ४ वर्ष देखि निरन्तर बचत तथा कर्जाको कारोवार गर्दै आउनु भएको छ । साथै सम्पुर्ण बैंकिङ्ग सुविधा मुक्तिनाथ बिकास बैंकबाट पाएकोले आफु निकै सन्तुष्ट रहेको बताउनु हुन्छ । जब उनले मुक्तिनाथको महिला समुहमा आवद्ध हुनुभयो । उनको दिनहरु विस्तारै फेरिदै गए र उनी एक सफल पत्नी, एक सफल आमासँगै एक सफल व्यवसायीको रुपमा स्थापित हुनुभएको छ । आज मुक्तिनाथको साथ र उहाँको मिहेनत र परिश्रमको कारण उनको आफ्नै पहिचान छ । जिन्दगी सफल र सार्थक बनेको छ ।
उहाँ भविष्यमा पनि यसैको क्षेत्र विस्तार गरी यसै व्यवसायलाई आफु र आफ्नो समूहका साथी भाईलाई पनि सँग सँगै अगाडी वढाउँदै लैजाने भावी योजना रहेको बताउँछन् । साथै नेपालमा केही काम नै छैन बिदेशमा गएर काम गर्छु भन्नेहरुका लागि एक उदाहरणीय कृषक बन्नु भएको छ ।
डेस्क भुमही
